ടി20 ലോകകപ്പിന് മുന്നോടിയായുള്ള സന്നാഹമത്സരത്തില്‍ ബംഗ്ലാദേശിനെതിരെ അര്‍ധസെഞ്ചുറിയുമായി തിളങ്ങിയതോടെ ഇന്ത്യന്‍ വിക്കറ്റ് കീപ്പര്‍ സ്ഥാനമുറപ്പിച്ച് റിഷഭ് പന്ത്. സഞ്ജു സാംസണ്‍ രോഹിത്തിനൊപ്പം ഓപ്പണറായി ഇറങ്ങിയെങ്കിലും നേരിട്ട ആറ് പന്തില്‍ നിന്നും വെറും ഒരു റണ്‍സ് മാത്രമെടുത്ത് പുറത്താവുകയായിരുന്നു. ലോകകപ്പിന് തൊട്ടുമുന്‍പ് മികവ് തെളിയിക്കാനുള്ള അവസരമാണ് സഞ്ജു ഇക്കുറി പാഴാക്കിയത്. ഷൊറിഫുള്‍ ഇസ്ലാമിനാണ് സഞ്ജുവിന്റെ വിക്കറ്റ്.
