മത്സരത്തിലെ ആദ്യ 15 പന്തില്‍ നിന്നും 15 റണ്‍സ് മാത്രം നേടിയ റിങ്കു അവസാന രണ്ടോവറില്‍ ആഞ്ഞടിച്ചതോടെയാണ് ഇന്ത്യ 185ന് 5 എന്ന ശക്തമായ നിലയിലെത്തിച്ചത്. വളരെ സന്തോഷം തോന്നിയെന്നും ഐപിഎല്ലില്‍ ചെയ്തത് തന്നെയാണ് ആവര്‍ത്തിക്കാന്‍ ശ്രമിച്ചതെന്നും റിങ്കു പറയുന്നു. കഴിഞ്ഞ 10 വര്‍ഷമായി ഞാന്‍ കഠിനാധ്വാനം ചെയ്യുന്നു. അതിന്റെ പ്രതിഫലമാണ് ഇപ്പോള്‍ ലഭിക്കുന്നത്. ഞാന്‍ ആദ്യമായി ബാറ്റ് ചെയ്ത കളിയില്‍ തന്നെ മികച്ച പ്രകടനം നടത്താന്‍ കഴിഞ്ഞതില്‍ സന്തോഷമുണ്ട്. റിങ്കു പറഞ്ഞു.
