കോലിയെ പരിഹസിച്ചിട്ടില്ല, ഗംഭീറിനെ പിന്നെ പണ്ടേ അറിയാം, അവന്റെ പ്രതികരണത്തില്‍ അത്ഭുതമില്ല: പോണ്ടിംഗ്
നിങ്ങള്‍ കോലിയോട് ചോദിച്ചാലും മുന്‍ വര്‍ഷങ്ങളില്‍ നേടിയ തരത്തില്‍ സെഞ്ചുറികള്‍ നേടാനാവത്തതില്‍ കോലിയും ആശങ്കാകുലനായിരിക്കും എന്നതില്‍ എനിക്ക് ഉറപ്പുണ്ട്. പോണ്ടിംഗ് പറഞ്ഞു. കോലിയ്ക്ക് കഴിഞ്ഞ 5 വര്‍ഷത്തിനിടെ 2 സെഞ്ചുറികള്‍ മാത്രമാണ് കോലി നേടിയതെന്നും മറ്റൊരു ടീമിലും ഇങ്ങനൊരു ടോപ് ഓര്‍ഡര്‍ ബാറ്റര്‍ കളിക്കില്ലെന്നുമായിരുന്നു പോണ്ടിംഗിന്റെ പരാമര്‍ശം. എന്നാല്‍ പോണ്ടിംഗ് ഇന്ത്യയുടെ കാര്യങ്ങളില്‍ ഇടപെടേണ്ടെന്നും ഓസ്‌ട്രേലിയന്‍ ക്രിക്കറ്റിന്റെ കാര്യം മാത്രം നോക്കിയാല്‍ മതിയെന്നുമായിരുന്നു ഗംഭീറിന്റെ പ്രതികരണം.
