ഇന്ത്യന്‍ വനിതകള്‍ക്കെതിരായ രണ്ടാം ഏകദിനത്തില്‍ ഓസ്ട്രേലിയയ്ക്ക് കൂറ്റന്‍ സ്‌കോര്‍. ബ്രിസ്‌ബേനില്‍ നടക്കുന്ന മത്സരത്തില്‍ ടോസ് നേടി ആദ്യം ബാറ്റ് ചെയ്ത ഓസ്‌ട്രേലിയ നിശ്ചിത 50 ഓവറില്‍ 8 വിക്കറ്റ് നഷ്ടത്തില്‍ 371 റണ്‍സാണ് അടിച്ചെടുത്തത്. സെഞ്ചുറി പ്രകടനങ്ങളുമായി തിളങ്ങിയ ജോര്‍ജിയ വോള്‍(101), എല്ലിസ് പെറി(105) എന്നിവരുടെ പ്രകടനങ്ങളാണ് ഓസീസിന് മികച്ച സ്‌കോര്‍ സമ്മാനിച്ചത്. ഫോബ് ലിച്ച് ഫീല്‍ഡ്(60), ബേത് മൂണി(56) എന്നിവരും ഓസീസ് നിരയില്‍ തിളങ്ങി. ഇന്ത്യയ്ക്കായി സൈ താക്കൂര്‍ മൂന്നും മലയാളി താരം മിന്നുമണി രണ്ടും വിക്കറ്റുകള്‍ നേടി.
