രവീന്ദ്ര ജഡേജയും ഭാര്യയും സഞ്ചരിച്ച കാര്‍ അപകടത്തില്‍പ്പെട്ടു; പെണ്‍കുട്ടിയെ ആശുപത്രിയില്‍ പ്രവേശിപ്പിച്ചു!
ഇന്ത്യൻ ക്രിക്കറ്റ് താരം രവീന്ദ്ര ജഡേജയും ഭാര്യ റീവ സോളങ്കിയും കാർ അപകടത്തിൽനിന്നും രക്ഷപെട്ടു. ഗുജറാത്തിലെ ജാംനഗറിൽ വെള്ളിയാഴ്ചയായിരുന്നു അപകടം.
ജഡേജയുടെ കാർ ഒരു പെണ്‍കുട്ടിയുടെ സ്‌കൂട്ടറില്‍ ഇടിക്കുകയായിരുന്നു. ഉടന്‍ തന്നെ പെൺകുട്ടിയെ ജഡേജയുടെ കാറിൽ അടുത്തുള്ള ആശുപത്രിയിൽ പ്രവേശിപ്പിച്ചു.
അപകടത്തിൽ ഒരു പെൺകുട്ടിക്ക് സാരമായ പരുക്കേറ്റു. ജാംനഗർ വിദ്യാസാഗർ ഇൻസ്റ്റിറ്റ്യൂട്ട് വിദ്യാർഥിനി പ്രീതി ശർമയ്ക്കാണ് പരുക്കേറ്റത്.
