ബാബര്‍ അസം (35 പന്തില്‍ 57), സായിം അയൂബ് (എട്ട് പന്തില്‍ 27), മുഹമ്മദ് റിസ്വാന്‍ (14 പന്തില്‍ 25) എന്നിവര്‍ തുടക്കത്തില്‍ പൊരുതി നോക്കിയെങ്കിലും പരിശ്രമങ്ങള്‍ ഫലം കണ്ടില്ല. കിവീസിനു വേണ്ടി ടിം സൗത്തി നാല് ഓവറില്‍ 25 റണ്‍സ് വഴങ്ങി നാല് വിക്കറ്റുകള്‍ വീഴ്ത്തി. ബെന്‍ സീര്‍സ്, ആദം മില്‍നെ എന്നിവര്‍ക്ക് രണ്ട് വീതം വിക്കറ്റുകള്‍.
ആദ്യം ബാറ്റ് ചെയ്ത ന്യൂസിലന്‍ഡിനായി ഡാരില്‍ മിച്ചല്‍ (27 പന്തില്‍ 61), കെയ്ന്‍ വില്യംസണ്‍ (42 പന്തില്‍ 57), ഫിന്‍ അലന്‍ (15 പന്തില്‍ 34) എന്നിവര്‍ മികച്ച പ്രകടനം നടത്തി.
