സാനിയ മിര്‍സയും മുഹമ്മദ് ഷമിയും വിവാഹിതരായി എന്ന വാര്‍ത്തകളാണ് പ്രത്യക്ഷപ്പെട്ടത്. വ്യാജമായി തയ്യാറാക്കിയ ചിത്രവും ഇതിനോടൊപ്പം സോഷ്യല്‍ മീഡിയയില്‍ വൈറലായി. കേട്ടത് സത്യമാണെന്ന് വിചാരിച്ച് നിരവധി ആരാധകര്‍ ഇരു താരങ്ങള്‍ക്കും ആശംസകള്‍ നേര്‍ന്നു. പിന്നീട് വിവാഹിതരായിട്ടില്ലെന്നും ഓഗസ്റ്റ് 20നാണ് ചടങ്ങ് നിശ്ചയിച്ചിരിക്കുന്നതെന്നും വരെ വാര്‍ത്തകള്‍ പ്രചരിച്ചു. ഇതിന് പിന്നാലെയാണ് സാനിയയുടെ പിതാവ് പ്രതികരണവുമായി രംഗത്തെത്തിയത്.
