ഞെട്ടിപ്പിക്കുന്ന തീരുമാനം; ഡുമിനി ടെസ്‌റ്റില്‍ നിന്നും വിരമിച്ചു
ദക്ഷിണാഫ്രിക്കന്‍ ഓള്‍റൗണ്ടര്‍ ജെപി ഡുമിനി ടെസ്റ്റ് ക്രിക്കറ്റില്‍ നിന്നും ഫസ്റ്റ് ക്ലാസ് ക്രിക്കറ്റിൽനിന്നും വിരമിച്ചു. 2019 ലോകകപ്പ് ലക്ഷ്യം വെച്ചാണ് ടെസ്റ്റ് മത്സരങ്ങളില്‍ നിന്നും വിരമിച്ചതെന്ന് താരം വ്യക്തമാക്കി.
ദക്ഷിണാഫ്രിക്കൻ ക്രിക്കറ്റ് ബോർഡാണ് 33കാരനായ ഡുമിനിയുടെ വിരമിക്കൽ വാർത്ത പുറത്തുവിട്ടത്. ദക്ഷിണാഫ്രിക്കയുടെ മികച്ച ഓള്‍റൗണ്ടറുമാരുടെ പട്ടികയിലാണ് അദ്ദേഹത്തിന്റെ സ്ഥാനം.
അടുത്തിടെയായി മോശം ഫോമില്‍ തുടരുന്ന ഡുമിനി വിമര്‍ശകരുടെ നോട്ടപ്പുള്ളിയായിരുന്നു. കുടുംബ പ്രശ്‌നങ്ങളും ദക്ഷിണാഫ്രിക്കന്‍ താരത്തെ മാനസികമായി അലട്ടിയിരുന്നു. ന്യൂസിലൻഡിനെതിരായ ടെസ്റ്റ് പരമ്പരയിലും ശ്രീലങ്കയ്ക്ക് എതിരായ എകദിന, ട്വന്‍റി-20 പരമ്പരകളിലുമെല്ലാം അദ്ദേഹം പരാജയമായിരുന്നു.
