ഐസിസി ടെസ്റ്റ് ബൗളർമാരുടെ പട്ടികയിൽ നേട്ടമുണ്ടാക്കി ഇന്ത്യൻ പേസർ ജസ്പ്രീത് ബുമ്ര. ഒരു സ്ഥാനം മെച്ചപ്പെടുത്തിയ താരം റാങ്കിംഗിൽ ഒമ്പതാം സ്ഥാനത്തെത്തി. 771 പോയന്റാണ് ഇന്ത്യൻ താരത്തിനുള്ളത്.അതേസമയം ഇംഗ്ലീഷ് പേസര്‍ ജയിംസ് ആന്‍ഡേഴ്‌സണ്‍ രണ്ട് സ്ഥാനങ്ങള്‍ നഷ്ടമായി. നിലവിൽ ബൗളർമാരുടെ റാങ്കിങിൽ ഏഴാം സ്ഥാനത്താണ് ആൻഡേഴ്‌സൺ.
ഇംഗ്ലണ്ടിനെതിരായ പരമ്പരയിലെ മികച്ച പ്രകടനമാണ് ബുമ്രയെ തുണച്ചത്. നാലു ടെസ്റ്റ് മത്സരങ്ങളിൽ നിന്നും 18 വിക്കറ്റുകളാണ് ബുമ്ര വീഴ്‌ത്തിയത്. അതേസമയം ബൗളർമാരുടെ റാങ്കിങിൽ ആദ്യ നാലുസ്ഥാനങ്ങളിൽ മാറ്റമില്ല. പാറ്റ് കമ്മിന്‍സ്, ആര്‍ അശ്വിന്‍, ടിം സൗത്തി, ജോഷ് ഹേസല്‍വുഡ് എന്നിവരാണ് ആദ്യ നാലു സ്ഥാനങ്ങളിൽ.
