ഇംഗ്ലണ്ടിനെതിരായ ഹെഡിങ്ങ്‌ലി ടെസ്റ്റിലെ പരാജയത്തിന് പ്രധാനകാരണമായത് ഇന്ത്യന്‍ ഫീല്‍ഡര്‍മാരുടെ മോശം പ്രകടനവും വാലറ്റത്തെ മോശം ബാറ്റിംഗ് പ്രകടനവുമായിരുന്നു. മത്സരത്തില്‍ ഇന്ത്യന്‍ ഫീല്‍ഡര്‍മാര്‍ 8 ക്യാച്ച് അവസരങ്ങള്‍ കൈവിട്ടപ്പോള്‍ 250 ലേറെ റണ്‍സാണ് ഇത് മുതലെടുത്ത് ഇംഗ്ലണ്ട് ബാറ്റര്‍മാര്‍ അടിച്ചെടുത്തത്. മത്സരത്തില്‍ 4 ക്യാച്ചുകള്‍ കൈവിട്ട യശ്വസി ജയ്‌സ്വാളാണ് ഇന്ത്യയ്ക്ക് ഏറ്റവും കൂടുതല്‍ ദോഷം വരുത്തിയത്. മത്സരത്തില്‍ ആദ്യ ഇന്നിങ്ങ്‌സില്‍ 101 റണ്‍സും രണ്ടാം ഇന്നിങ്ങ്‌സില്‍ 4 റണ്‍സുമാണ് ജയ്‌സ്വാള്‍ നേടിയത്. എന്നാല്‍ ക്യാച്ചുകള്‍ നഷ്ടപ്പെടുത്തിയതോടെ ഇംഗ്ലണ്ട് അടിച്ചെടുത്ത 165 റണ്‍സുകള്‍ക്ക് ജയ്‌സ്വാള്‍ കാരണമായി മാറി.
