എം എസ് ധോണിയും കേദാര്‍ ജാദവും ചേര്‍ന്ന കൂട്ടുകെട്ടാണ് ഇന്ത്യയെ വിജയത്തിലേക്ക് നയിച്ചത്. ധോണി 72 പന്തുകളില്‍ നിന്ന് 59 റണ്‍സും കേദാര്‍ ജാദവ് 87 പന്തുകളില്‍ നിന്ന് 81 റണ്‍സുമെടുത്ത് പുറത്താകാതെ നിന്നു. ഹിറ്റ്മാന്‍ രോഹിത് ശര്‍മ 66 പന്തുകള്‍ നേരിട്ട് 37 റണ്‍സ് മാത്രമെടുത്തതാണ് ഇന്ത്യന്‍ ആരാധകര്‍ക്ക് കുറച്ചെങ്കിലും നിരാശ സമ്മാനിച്ചത്.
ആദ്യം ബാറ്റ് ചെയ്ത ഓസ്ട്രേലിയയ്ക്ക് വേണ്ടി ഉസ്മാന്‍ ഖാവാജ 50 റണ്‍സെടുത്തു. ആരോണ്‍ ഫിഞ്ച് പൂജ്യത്തിന് ഔട്ടായതിന്‍റെ ഷോക്കില്‍ നിന്ന് ടീമിന് പുറത്തുകടക്കാനാവാത്തതുപോലെയായിരുന്നു അവരുടെ ബാറ്റിംഗ്. ട്വന്‍റി20 ഹീറോ മാക്സ്‌വെല്‍ 40 റണ്‍സ് എടുത്തു. സ്റ്റോണിസ്(37), ടര്‍ണര്‍(21), ഹാന്‍ഡ്സ്‌കോംബ്(19), അലക്‍സ് ക്യാരി(36), കോള്‍ട്ടര്‍നൈല്‍ (28) എന്നിവരാണ് ഓസീസ് നിരയിലെ പ്രധാന സ്കോറര്‍‌മാര്‍.
