ഐപിഎല്ലില്‍ ഇന്ന് ഒരു മത്സരം. വൈകിട്ട് 7.30 ന് ചെന്നൈ ചിദംബരം സ്‌റ്റേഡിയത്തില്‍ നടക്കുന്ന മത്സരത്തില്‍ ചെന്നൈ സൂപ്പര്‍ കിങ്‌സിന് എതിരാളികള്‍ ലഖ്‌നൗ സൂപ്പര്‍ ജയന്റ്‌സാണ്. ആദ്യ മത്സരത്തില്‍ തോറ്റ ചെന്നൈ ഇന്ന് ഇറങ്ങുക ഈ സീസണിലെ ആദ്യ ജയത്തിന് വേണ്ടിയാണ്.
ബൗളര്‍മാരുടെ കാര്യത്തിലാണ് ചെന്നൈക്ക് തലവേദന. ദീപക് ചഹറും രവീന്ദ്ര ജഡേജയുമല്ലാതെ വിശ്വസിച്ച് പന്തേല്‍പ്പിക്കാന്‍ പറ്റിയ ആരും ചെന്നൈ നിരയില്‍ ഇല്ല. ബെന്‍ സ്റ്റോക്‌സ് പരുക്കിനെ തുടര്‍ന്ന് പന്തെറിയാത്തത് ചെന്നൈക്ക് തിരിച്ചടിയായി.