സന്നാഹ മത്സരത്തിൽ ഇന്ത്യന്‍ എ ടീമിനെതിരെ ശ്രീലങ്കയ്ക്ക് തോൽവി. വെസ്‌റ്റ് ഇന്‍ഡീസ് ടീം പാതിവഴിയില്‍ കളിയവസാനിച്ചു പോയതിനു പിന്നാലെ ഇന്ത്യയിലെത്തിയ ശ്രീലങ്ക ഇന്ത്യന്‍ എ ടീമിനെതിരെ 88 റൺസിനാണ് തോറ്റത്.
ആദ്യം ബാറ്റ് ചെയ്ത ഇന്ത്യ എ രോഹിത് ശർമ്മയുടെയും (142), മനീഷ് പാണ്ഡെയുടെയും (135) സെഞ്ച്വറികളുടെ പിൻബലത്തിൽ 50 ഓവറിൽ 6 വിക്കറ്റ് നഷ്ടത്തിൽ 382 റൺസ് നേടി. മറുപടി ബാറ്റിംഗിന് ഇറങ്ങിയ ലങ്കയ്ക്ക് നിശ്ചിത ഓവറില്‍ 9 വിക്കറ്റ് നഷ്ടത്തിൽ 294 റൺസെടുക്കാനെ കഴിഞ്ഞുള്ളൂ. മലയാളിതാരം സഞ്ജു സാംസൺ ബാറ്റിംഗിനിറങ്ങിയെങ്കിലും ഒരു റൺസെടുത്ത് പുറത്തായി.
മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ ക്ലിക്ക് ചെയ്യുക. ഫേസ്ബുക്കിലുംട്വിറ്ററിലും പിന്തുടരുക.