വിരാട് കോലിയുടെ ഈഗോ വച്ചാണ് ന്യൂസിലന്‍ഡ് കളിച്ചതെന്ന് മുന്‍ ഇന്ത്യന്‍ താരം ഹര്‍ഭജന്‍ സിങ്. 17 പന്തില്‍ നിന്ന് വെറും ഒന്‍പത് റണ്‍സുമായാണ് കോലി പുറത്തായത്. സിംഗിള്‍ പോലും എടുക്കാന്‍ കോലിയെ ന്യൂസിലന്‍ഡ് അനുവദിച്ചില്ലെന്നും അതുകൊണ്ടാണ് സാധാരണ രീതിയില്‍ കളിക്കാത്ത ഷോട്ടിനായി ശ്രമിച്ച് കോലി പുറത്തായതെന്നും ഹര്‍ഭജന്‍ പറഞ്ഞു.
'സിംഗിള്‍സ് പോലും എടുക്കാന്‍ അവര്‍ അനുവദിച്ചില്ല. റണ്‍സ് കണ്ടെത്താന്‍ കഴിയാതെ വന്നതോടെ കോലി പ്രതിരോധത്തിലായി. കോലിയെ കൊണ്ട് സിംഗിള്‍ പോലും എടുപ്പിക്കാതിരിക്കാന്‍ കിവീസ് ഫീല്‍ഡ് സെറ്റ് ചെയ്തു. മാനസികമായി സമ്മര്‍ദത്തിലായതോടെയാണ് കോലി അങ്ങനെയൊരു ഷോട്ട് കളിക്കാന്‍ നിര്‍ബന്ധിതനായത്. അത്തരം ഷോട്ടുകള്‍ അദ്ദേഹം പൊതുവെ കളിക്കാറില്ല,' ഹര്‍ഭജന്‍ പറഞ്ഞു.
