ലെജന്‍ഡ്‌സ് ലോക ചാമ്പ്യന്‍ഷിപ്പ് ഫൈനലില്‍ പാകിസ്ഥാന് ചാമ്പ്യന്‍സിനെ അഞ്ച് വിക്കറ്റിന് തകര്‍ത്ത് ഇന്ത്യ. എഡ്ജ്ബാസ്റ്റണില്‍ നടന്ന മത്സരത്തില്‍ നിശ്ചിത 20 ഓവറില്‍ 157 റണ്‍സായിരുന്നു ഇന്ത്യയ്ക്ക് വിജയിക്കാനായി വേണ്ടിയിരുന്നത്. 19.1 ഓവറില്‍ അഞ്ച് വിക്കറ്റ് മാത്രം നഷ്ടപ്പെടുത്തി ഇന്ത്യ വിജയലക്ഷ്യം മറികടന്നു. 30 റണ്‍സുമായി അമ്പാട്ടി റായുഡുവും 34 റണ്‍സുമായി ഗുര്‍കീരത് സിംഗ് മനും ഇന്ത്യന്‍ നിരയില്‍ തിളങ്ങി. യൂസഫ് പത്താന്‍ 16 പന്തില്‍ 30 റണ്‍സ് നേടി. നേരത്തെ 3 വിക്കറ്റെടുത്ത അനുരീത് സിംഗാണ് പാകിസ്ഥാനെ തകര്‍ത്തത്.
