ഇന്ത്യ, ന്യൂസിലന്‍ഡ്, ഇംഗ്ലണ്ട് എന്നീ ടീമുകള്‍ക്കെതിരെ ശക്തമായി പോരാടാന്‍ പാക്കിസ്ഥാന്‍ പ്രധാനമന്ത്രി ഇമ്രാന്‍ ഖാന്‍ ടി 20 ലോകകപ്പ് ടീമിന് ഉപദേശം നല്‍കിയതായി റിപ്പോര്‍ട്ട്. ടി 20 ലോകകപ്പിനുള്ള പാക്കിസ്ഥാന്‍ ടീം അംഗങ്ങള്‍ ഇമ്രാന്‍ ഖാനുമായി കൂടിക്കാഴ്ച നടത്തി.
'പാക്കിസ്ഥാന്‍ വളരെ സുരക്ഷിതമായ രാജ്യമാണ്. നിങ്ങള്‍ എല്ലാവരും നിങ്ങളുടെ കഴിവ് വര്‍ധിപ്പിക്കുന്നതിനെ കുറിച്ച് മാത്രം ആലോചിക്കുക. രാജ്യാന്തര ക്രിക്കറ്റ് മത്സരത്തിനു പാക്കിസ്ഥാന്‍ ഉടന്‍ വേദിയാകും, ദൈവം ആഗ്രഹിക്കുന്നുണ്ട്,' ഇമ്രാന്‍ ഖാന്‍ പറഞ്ഞു.
