2017ൽ എംസിസി പുറത്തിറക്കിയ പുതുക്കിയ നിയമാവലിയെക്കുറിച്ച് ചർച്ച ചെയ്ത സൗരവ് ഗാംഗുലിയുടെ നേതൃത്വത്തിലുള്ള കമ്മിറ്റിയുടെ ശുപാർശകൾ ചീഫ് എക്സിക്യൂട്ടീവ് കമ്മിറ്റി അംഗീകരിക്കുകയായിരുന്നു.കൊവിഡ് സാഹചര്യത്തിൽ ബൗളർമാർക്ക് പന്തിൽ തുപ്പൽ പുരട്ടാൻ അനുമതി നിഷേധിച്ചിരുന്നു. ഈ പരിഷ്കാരം വരുന്ന മത്സരങ്ങളിലും തുടരും.
ബാറ്റർമാർ പിച്ചിൽ നിന്ന് തന്നെ കളിക്കണമെന്നാണ് മറ്റൊരു പരിഷ്കാരം. പിച്ച് വിട്ട് കളിക്കാൻ ബാറ്റർ നിർബന്ധിതനാകുന്ന ഏത് പന്തും നോബൗളായി പരിഗണിക്കും. പന്തെറിയുന്ന ബൗളറുടെ ശ്രദ്ധ തെറ്റിക്കാൻ എതിർ ടീം ശ്രമിച്ചാൽ ബാറ്റിങ് ടീമിൻ്റെ സ്കോറിൽ നിന്നും 5 റൺസ് കുറയ്ക്കും. ക്രിക്കറ്റ് ലോകത്ത് ഏറെ വിവാദമായി മാറിയ മങ്കാദിങ് ഇനി മുതൽ റണ്ണൗട്ടായി കണക്കാക്കും.
