കഴിഞ്ഞ ഐപിഎൽ സീസണിൽ മുംബൈ ഇന്ത്യൻസിനായി മിന്നുന്ന പ്രകടനം കാഴ്‌ചവെച്ച താരമാണ് ഇഷാൻ കിഷൻ. താരത്തിന്റെ മികച്ച പ്രകടനം ഇന്ത്യൻ ടീമിലും ഒരവസരം ലഭിക്കുന്നതിന് കാരണമായി. ഇപ്പോളിതാ ഇന്ത്യൻ ടീമിലെ തന്റെ ആദ്യ മത്സരത്തിൽ മിന്നുന്ന പ്രകടനത്തോടെ മാൻ ഓഫ് ദ മാച്ച് പുരസ്‌കാരവും നേടിയിരിക്കുകയാണ് മുംബൈയുടെ പോക്കറ്റ് ഡൈനമൈറ്റ്.
മുംബൈ ഇന്ത്യൻസിൽ കളിക്കുമ്പോൾ ജസ്‌പ്രീത് ബു‌മ്ര,ട്രെൻഡ് ബോൾട്ട് എന്നീ താരങ്ങൾക്കെതിരെ നെറ്റ്‌സിൽ ബാറ്റ് ചെയ്യാൻ സാധിച്ചിട്ടുണ്ട്. കൂടാതെ ലോകത്തിലെ മികച്ച ബൗളർമാരെയാണ് ഐപിഎല്ലിൽ നേരിടേണ്ടി വന്നിട്ടുള്ളത്. ഈ അനുഭവങ്ങൾ മികച്ച പ്രകടനം കാഴ്‌ച്ചവെക്കുന്നതിൽ തുണയായി ഇഷാൻ വ്യക്തമാക്കി.
