ഡെത്ത് ഓവറുകളില്‍ തുടര്‍ച്ചയായി നിരാശപ്പെടുത്തി ഭുവനേശ്വര്‍ കുമാര്‍. ഓസ്‌ട്രേലിയക്കെതിരായ ഒന്നാം ട്വന്റി 20 മത്സരത്തില്‍ ഡെത്ത് ഓവേഴ്‌സില്‍ രണ്ട് ഓവറുകളാണ് ഭുവനേശ്വര്‍ കുമാര്‍ എറിഞ്ഞത്. രണ്ട് ഓവറുകളിലായി 31 റണ്‍സ് ഭുവി വിട്ടുകൊടുത്തു ! പവര്‍പ്ലേയില്‍ കുറഞ്ഞ ഇക്കോണമിയില്‍ പന്തെറിയുന്ന ഭുവനേശ്വര്‍ കുമാര്‍ ഡെത്ത് ഓവറിലേക്ക് എത്തുമ്പോള്‍ വന്‍ പരാജയമാണ്.
ഏഷ്യാ കപ്പിലും ഭുവനേശ്വര്‍ കുമാര്‍ ഡെത്ത് ഓവറുകളില്‍ ഇന്ത്യയെ നിരാശപ്പെടുത്തി. പാക്കിസ്ഥാനെതിരായ മത്സരത്തില്‍ 19-ാം ഓവര്‍ ഭുവനേശ്വര്‍ കുമാര്‍ 19 റണ്‍സ് വഴങ്ങി. ശ്രീലങ്കയ്‌ക്കെതിരായ മത്സരത്തില്‍ വഴങ്ങിയത് 14 റണ്‍സ് ! ഒരു കാലത്ത് ഡെത്ത് ഓവറുകളില്‍ മികച്ച പ്രകടനം നടത്തിയിരുന്ന താരമായിരുന്നു ഭുവനേശ്വര്‍ കുമാര്‍. എന്നാല്‍ സമീപകാലത്തെ പ്രകടനം ഏറെ നിരാശപ്പെടുത്തുന്നതാണ്.
