കോഹ്‌ലിയുടെ തൊപ്പിയില്‍ പുതിയൊരു പൊന്‍തൂവല്‍; ഐസിസി ടെസ്റ്റ് റാങ്കിംഗില്‍ ഇന്ത്യ ഒന്നാമത്
വ്യാഴം, 18 ഓഗസ്റ്റ് 2016 (10:24 IST)
ടെസ്റ്റ് ക്രിക്കറ്റിലെ ഒന്നാം സ്ഥാനം ഇന്ത്യ തിരിച്ചു പിടിച്ചു. ഓസ്‌ട്രേലിയക്കെതിരായ ടെസ്റ്റ് പരമ്പര ശ്രീലങ്ക 3-0ത്തിന് സ്വന്തമാക്കിയതോടെയാണ് ഇന്ത്യ ഐസിസി ടെസ്റ്റ് റാങ്കിംഗില്‍ ഒന്നാമതെത്തിയത്. നായകനായതിന് ശേഷം വിരാട് കോഹ്ലിക്ക് ലഭിക്കുന്ന പൊന്‍തൂവലായി മാറി ഈ നേട്ടം.
112 പോയന്റുമായാണ് ഇന്ത്യ ഒന്നാം സ്ഥാനത്തെത്തിയത്. 111 പോയന്റുമായി പാകിസ്ഥാന്‍ രണ്ടാം സ്ഥാനത്തും 108 പോയന്റുമായി ഓസ്‌ട്രേലിയ മൂന്നാം സ്ഥാനത്തുമാണുള്ളത്. ഇംഗ്ലണ്ട്, ന്യൂസിലന്‍ഡ്, ശ്രീലങ്ക, ദക്ഷിണാഫ്രിക്ക എന്നിവരാണ് മറ്റ് സ്ഥാനങ്ങളിലുള്ളത്‍.
