ഡീൻ എൽഗാറും,എയ്‌ഡൻ മർക്രാമും ചേർന്നായിരുന്നു മത്സരത്തിൽ ദക്ഷിണാഫ്രിക്കയുടെ ഇന്നിങ്സ് തുടങ്ങിയത്. ജെയിംസ് അൻഡേഴ്സൺ എറിഞ്ഞ ആദ്യ പന്ത് നേരിട്ടതാവട്ടെ എൽഗാറും. ബാറ്റിൽ ഉരസിപോയ പന്ത് നേരെ പോയത് കീപ്പർ ജോസ് ബട്ലറുടെ കൈകളിലേക്ക്. തന്റെ 150മത് മത്സരം അവിസ്മരണീയമാക്കുകയായിരുന്നു അൻഡേഴ്സൺ.
അൻഡേഴ്സണിന്റെ നേട്ടം ഐസിസിയും ട്വീറ്റ് ചെയ്തിട്ടുണ്ട്. ഈ ദശാബ്ദത്തിൽ ആദ്യ പന്തിൽ നിന്നും വിക്കറ്റ് നേടുന്ന അഞ്ചാമത്തെ താരമാണ് അൻഡേഴ്സൺ. ശ്രീലങ്കയുടെ സുരംഗ ലക്മൽ,ഓസ്ട്രേലിയയുടെ മിച്ചൽ സ്റ്റാർക്ക്,ദക്ഷിണാഫ്രിക്കയുടെ ഡെയ്‌ൽ സ്റ്റയ്‌ൻ എന്നിവരാണ് ഈ നേട്ടം കൈവരിച്ചിട്ടുള്ളത്. ലക്മൽ രണ്ടുവട്ടം ഈ നേട്ടം സ്വന്തമാക്കി.
