India vs Newzealand: നീ വാഷിങ്ങ്ടണല്ലടാ.. വാഷിംഗ് മെഷീൻ, ന്യൂസിലൻഡിനെ കഴുകികളഞ്ഞു, 7 വിക്കറ്റുകളുമായി നിറഞ്ഞാടി സുന്ദർ, ന്യുസിലൻഡ് ആദ്യ ഇന്നിങ്ങ്സിൽ 259ന് പുറത്ത്
ടോസ് നേടി ബാറ്റിംഗ് തിരെഞ്ഞെടുത്ത ന്യൂസിലന്‍ഡിന് വേണ്ടി ഓപ്പണറായ ഡെവോണ്‍ കോണ്‍വെയും കഴിഞ്ഞ മത്സരത്തിന്റെ താരമായ രചിന്‍ രവീന്ദ്രയും തിളങ്ങിയപ്പോള്‍ ഭേദപ്പെട്ട തുടക്കമാണ് കിവികള്‍ക്ക് ലഭിച്ചത്. ഡെവോണ്‍ കോണ്‍വെ 76 റണ്‍സിനും രചിന്‍ രവീന്ദ്ര 65 റണ്‍സിനും പുറത്തായി. വാഷിങ്ങ്ടണ്‍ സുന്ദറിനായിരുന്നു രചിന്‍ രവീന്ദ്രയുടെ നിര്‍ണായകമായ വിക്കറ്റ്. 65 റണ്‍സുമായി രചിന്‍ രവീന്ദ്രയും പുറത്തായതോടെ പിന്നാലെയെത്തിയ ബാറ്റര്‍മാരെയൊന്നും തന്നെ നിലയുറപ്പിക്കാന്‍ വാഷിങ്ങ്ടന്‍ സുന്ദര്‍ സമ്മതിച്ചില്ല.
