ദക്ഷിണാഫ്രിക്കയുടെ പരാജയത്തില്‍ ദു:ഖമുണ്ടെന്ന് എലിയട്ട്
ലോകകപ്പ് സെമിയില്‍ ദക്ഷിണാഫ്രിക്കയുടെ തോല്‍വിയില്‍ തനിക്ക് ദു:ഖമുണ്ടെന്ന് ന്യൂസിലന്‍ഡിന്റെ വിജയശില്‍പിയായ ഗ്രാന്റ് എലിയട്ട്. ജയത്തിലും തോല്‍വിയിലും നാം വിനയമുള്ളവരായിരിക്കണമെന്നും ദക്ഷിണാഫ്രിക്കയുടെ തോല്‍വിയില്‍ തനിക്ക് ദു:ഖമുണ്ടെന്നും സെമിയിലെ താരമായ എലിയട്ട് പറഞ്ഞു.
കരുത്തരായ ദക്ഷിണാഫ്രിക്കയുടെ പരാജയത്തെക്കുറിച്ച് ചോദിച്ചപ്പോഴായിരുന്നു എലിയട്ടിന്റെ ഈ പ്രതികരണം. ന്യൂസിലന്‍ഡിന് ജയം സമ്മാനിക്കാന്‍ കഴിഞ്ഞില്ലായിരുന്നുവെങ്കില്‍ തന്റെ അവസ്ഥ ദക്ഷിണാഫ്രിക്കന്‍ താരങ്ങളെ പോലെ ആകുമായിരുന്നുവെന്നും അദ്ദേഹം പറഞ്ഞു.
