ലോകകപ്പ് സെമിഫൈനല്‍ പോരാട്ടങ്ങള്‍ നാളെ തുടങ്ങും. ആദ്യ സെമിയില്‍ ന്യൂസിലന്‍ഡും ദക്ഷിണാഫ്രിക്കയും ഏറ്റുമുട്ടുബോള്‍ രണ്ടാം സെമിയില്‍ മുന്‍ ചാമ്പ്യന്മാരായ ഓസ്‌ട്രേലിയയും നിലവിലെ ചാമ്പ്യന്മാരായ ഇന്ത്യയും നേര്‍ക്കുനേര്‍ വരും.
നാളെ പുലര്‍ച്ചെ 6.30ന് ഓക്‍ലന്‍ഡിലാണ് ദക്ഷിണാഫ്രിക്ക ന്യൂസിലന്‍ഡ് പോരാട്ടം നടക്കുന്നത്. ലോകക്രിക്കറ്റിലെ ഏറ്റവും മികച്ച ടീം എന്ന ഖ്യാതിയുമായി എത്തുന്ന ദക്ഷിണാഫ്രിക്കയ്ക്ക് നേരിടേണ്ടി വരുന്നത് ഈ ലോകകപ്പില്‍ ഇതുവരെ ഒരു പരാജയം പോലും ഏറ്റുവാങ്ങാത്ത ന്യൂസിലന്‍ഡിനെയാണ്. ഡിവില്ലിയേഴ്‌സിന്റെ സാന്നിധ്യം ആഫ്രിക്കന്‍ ടീമിനെ ശക്തമാക്കുബോള്‍ ശക്തമായ ഓള്‍ റൌണ്ട് മികവാണ് കിവികളെ തുണയ്‌ക്കുന്നത്.
