കേരളത്തിന് ജമ്മു കശ്മീരിനെതിരെ 278 റണ്‍സിന്റെ തോല്‍വി

PRO

കേരളത്തിന് ജമ്മു കശ്മീരിനെതിരെ 278 റണ്‍സിന്റെ വമ്പന്‍തോല്‍വി. ആദ്യ ഇന്നിങ്‌സില്‍ വിക്കറ്റ് വലിച്ചെറിഞ്ഞതിനേക്കാള്‍ വേഗത്തില്‍ രണ്ടാം ഇന്നിങ്‌സിലും കേരളം വിക്കറ്റ് നഷ്ടപ്പെടുത്തിയതാണ് തോല്‍‌വിക്ക് കാരണം.

രഞ്ജിട്രോഫി ക്വാര്‍ട്ടര്‍ഫൈനല്‍ പ്രതീക്ഷപോലും നഷ്ടപ്പെടുത്തുന്ന തോല്‍വിയാണ് കേരളം വഴങ്ങിയത്. ആദില്‍ റിഷിയുടെയും (160) പര്‍വേസ് റസൂലിന്റെയും (100) അപരാജിത സെഞ്ച്വറികളുടെ മികവില്‍ 408 റണ്‍സിന്റെ വിജയലക്ഷ്യമാണ് അവസാനദിനം കേരളത്തിനു മുന്നില്‍ ആതിഥേയര്‍ വെച്ചുനീട്ടിയത്.

സമനിലയ്ക്കുവേണ്ടി പൊരുതാന്‍പോലും നോക്കാതെ 41.4 ഓവറില്‍ കേരളം 129 റണ്‍സിന് ഇന്നിങ്‌സ് അവസാനിപ്പിക്കുകയായിരുന്നു. രഞ്ജിട്രോഫി ക്വാര്‍ട്ടര്‍ഫൈനല്‍ പ്രതീക്ഷപോലും നഷ്ടപ്പെടുത്തുന്ന തോല്‍വിയാണ് കേരളം വഴങ്ങിയത്. സ്‌കോര്‍: ജമ്മുകശ്മീര്‍ 377, രണ്ടിന് 337. കേരളം 307, 129.