സഞ്ജുവിനു വാരിയെല്ല് ഭാഗത്താണ് അസഹ്യമായ വേദന അനുഭവപ്പെട്ടത്. ഉടന്‍ തന്നെ ടീം ഫിസിയോമാരെത്തി താരത്തെ പരിശോധിച്ചു. വിപ്രജ് നിഗം എറിഞ്ഞ പന്ത് നോ ബോള്‍ ആയിരുന്നതിനാല്‍ അംപയര്‍ അടുത്ത പന്ത് ഫ്രീ ഹിറ്റ് അനുവദിച്ചിരുന്നു. കടുത്ത വേദനക്കിടയിലും സഞ്ജു ബാറ്റിങ് തുടരാന്‍ തീരുമാനിച്ചു. തൊട്ടടുത്ത പന്ത് കൂടി നേരിട്ടെങ്കിലും വേദനയെ തുടര്‍ന്ന് ബാറ്റിങ് അവസാനിപ്പിക്കാന്‍ സഞ്ജു തീരുമാനിക്കുകയായിരുന്നു.
അതേസമയം സഞ്ജുവിന്റെ പരുക്കിനെ കുറിച്ചുള്ള ആശങ്കയ്ക്ക് അടിസ്ഥാനമില്ലെന്നാണ് ടീമുമായി ബന്ധപ്പെട്ട വൃത്തങ്ങള്‍ വ്യക്തമാക്കുന്നത്. സഞ്ജുവിന് ഇപ്പോള്‍ കുഴപ്പമൊന്നും ഇല്ല. അടുത്ത മത്സരം കളിക്കാന്‍ സാധിക്കും. പരുക്ക് ഗുരുതരമല്ലെന്നും മറ്റ് പ്രശ്‌നങ്ങളൊന്നും ഇപ്പോള്‍ തോന്നുന്നില്ലെന്നും മത്സരശേഷം സഞ്ജുവും പ്രതികരിച്ചു.
