ഇന്ത്യാ- പാക് ക്രിക്കറ്റ് പരമ്പര പുനരാരംഭിക്കുമെന്ന് റിപ്പോര്‍ട്ട്. ഡിസംബറില്‍ ഇന്ത്യയിലെത്തുന്ന പാകിസ്ഥാന്‍ ടീം മൂന്ന് ഏകദിനമത്സരങ്ങളില്‍ പങ്കെടുക്കും. രണ്ട് ട്വന്റി മത്സരങ്ങളും സംഘടിപ്പിക്കും. അഞ്ച് വര്‍ഷങ്ങള്‍ക്ക് ശേഷമാണ് ഇന്ത്യാ - പാകിസ്ഥാന്‍ പരമ്പര വീണ്ടും നടക്കാനിരിക്കുന്നത്.
ബിസിസിഐയുടെ യോഗത്തിലാണ് തീരുമാനം. 26/11 മുംബൈ തീവ്രവാദി ആക്രമണത്തിനു ശേഷം ഇന്ത്യ പാ‍കിസ്ഥാനുമായുള്ള പരമ്പര നിര്‍ത്തിവച്ചിരിക്കുകയായിരുന്നു.
പാകിസ്ഥാനുമായി മത്സരങ്ങള്‍ സംഘടിപ്പിക്കുന്നതിന് ബിസിസിഐയ്ക്ക് കേന്ദ്രസര്‍ക്കാരിന്റെ അനുമതി കൂടി ആവശ്യമുണ്ട്.
