ഭര്‍ത്താവില്ലാത്ത നേരത്ത്...

ഭര്‍ത്താവ് വീട്ടിലില്ലാത്ത നേരത്ത് ഇന്ദുമതി വീടിന്‍റെ മുന്‍‌വാതില്‍ പൂട്ടിയിടുക പതിവായിരുന്നു. ആരെങ്കിലും കോളിംഗ് ബെല്‍ അടിച്ചാല്‍ ലെന്‍സിലൂടെ നോക്കി ആരെന്ന് ഉറപ്പുവരുത്തുമെങ്കിലും വാതില്‍ തുറക്കാറുണ്ടായിരുന്നില്ല. ആരാണെങ്കിലും ഭര്‍ത്താവുള്ളപ്പോള്‍ വരട്ടേ എന്നാണ് ഇന്ദുമതിയുടെ നിലപാട്‌.

എന്നാല്‍ അന്ന്, അന്നുമാത്രം ആ നിലപാടില്‍ ഇന്ദുമതി അല്‍പ്പം ഇളവുവരുത്തി. കോളിംഗ് ബെല്‍ അടിച്ചത് അവളുടെ കാമുകന്‍ പ്രകാശായിരുന്നു.

പ്രകാശ് തിരിച്ചുപോയതിനുശേഷം ഇന്ദുമതി ഭര്‍ത്താവിന് ഫോണ്‍ ചെയ്തു. “ചേട്ടന്‍ എപ്പൊഴാ വരുക?” എന്ന് സ്നേഹപൂര്‍വ്വം അന്വേഷിച്ചു.

കാമുകിയുടെ മടിയില്‍ തലവച്ചുകിടന്നുകൊണ്ട് അയാള്‍ ഫോണില്‍ മന്ത്രിച്ചു - “നാളെ രാവിലെ”