തെരുവിലെ തന്റെ വെങ്കല പ്രതിമയ്ക്ക് കീഴെ കിടന്നുറങ്ങുന്ന ഹോളിവുഡ് സൂപ്പര്‍ സ്റ്റാര്‍ അര്‍നോള്‍ഡ് ഷ്വാസ്‌നെഗറിന്റെ ചിത്രം സോഷ്യല്‍ മീഡിയയില്‍ വൈറലാകുന്നു. ഒഹിയോയിലെ കൊളംബസിലെത്തിയ താരത്തിന് ഹോട്ടല്‍ മുറി ലഭിക്കാതെ വന്നപ്പോഴാണ് പ്രതിമയ്ക്ക് മുന്നില്‍ കിടന്നത്.
കാലിഫോര്‍ണിയയിലെ മുന്‍ ഗവര്‍ണര്‍ കൂടിയായ അര്‍നോള്‍ഡ് ഗവര്‍ണറായിരിക്കുന്ന സമയത്ത് ഉദ്ഘാടനം ചെയ്തതാണ് ഹോട്ടലിന് മുന്നിലെ പ്രതിമ. ഉദ്ഘാടന സമയത്ത് ഹോട്ടലിലെ ഒരു മുറി എപ്പോഴും അദ്ദേഹത്തിനായി ഒഴിഞ്ഞ് കിടക്കുമെന്ന് അധികൃതര്‍ വാഗ്ദാനം നല്‍കിയിരുന്നു.
എന്നാല്‍ കഴിഞ്ഞ ദിവസം താരമെത്തിയപ്പോള്‍ റൂമുകളൊന്നും ഒഴിവില്ലെന്നായിരുന്നു ഹോട്ടലധികൃതരുടെ പ്രതികരണം. ഇതില്‍ പ്രതിഷേധിച്ചാണ് താരം പ്രതിമയ്ക്ക് മുന്നില്‍ കിടന്നുറങ്ങിയത്. അധികാരം ഉണ്ടായിരുന്നപ്പോള്‍ ജനങ്ങള്‍ എന്നെ പുകഴ്ത്തി. പക്ഷേ ആ പദവി നഷ്ടപ്പെട്ടപ്പോള്‍ അവരെന്നെ മറന്നു. കാലം മാറും, പദവികളെ വിശ്വസിക്കാന്‍ പാടില്ലെന്നും അദ്ദേഹം പ്രതികരിച്ചു.