മോഹൻലാലിന്റെ മകൻ പ്രണവ് മോഹൻലാലിനെ നായകനായി മലയാളികൾ സ്ക്രീനിൽ കണ്ടിട്ടുള്ളതാണ്. നായകനായെത്തിയ ആദ്യ ചിത്രം തന്നെ വലിയ വിജയം നേടിയെങ്കിലും പിന്നീട് വലിയൊരു വിജയം ആവർത്തിക്കാൻ പ്രണവിനായില്ല. ഇപ്പോളിതാ പ്രണവിന് പിന്നാലെ മോഹൻലാലിന്റെ മകളായ വിസ്മയയും സിനിമാരംഗത്തേക്ക് ചുവട് വെകുകയാണെന്ന വാർത്തകളാണ് വരുന്നത്.
മോഹൻലാൽ ആദ്യമായി സംവിധാനം നിർവഹിക്കുന്ന ബറോസ്:ദി ഗാര്‍ഡിയന്‍ ഓഫ് ഗാമാ ട്രെഷര്‍ എന്ന ഫാന്റസി ത്രീഡി ചിത്രത്തിലൂടെയാവും വിസ്‌മയ സിനിമയിൽ അരങ്ങേറ്റം കുറിക്കുക.എന്നാൽ അഭിനയത്തിലല്ല മോഹൻലാലിന്റെ സംവിധാന സഹായിയായിട്ടായിരിക്കും വിസ്‌മയ എത്തുന്നതെന്നാണ് വിവരം.നിര്‍മ്മാതാവും മോഹന്‍ലാലിന്റെ സുഹൃത്തുമായ ജി സുരേഷ് കുമാറാണ് ഇത് വെളിപ്പെടുത്തിയത്.
