തമിഴ് സിനിമയില്‍ അഭിനയിക്കാന്‍ വിനീത് ശ്രീനിവാസന്‍ താല്‍പര്യം കാണിക്കില്ലായിരുന്നു. അദ്ദേഹത്തിന് മുമ്പില്‍ എപ്പോഴൊക്കെ അവസരങ്ങള്‍ വന്നിട്ടുണ്ടോ അപ്പോഴൊക്കെ അത് വേണ്ടെന്ന് വച്ചിട്ടുണ്ട്. അതിനൊരു കാരണവും നടന് പറയുന്നുണ്ട്. തമിഴ്‌നാട്ടില്‍ വന്നാല്‍ തന്നെ ആര്‍ക്കും അറിയില്ല. ആ സ്വകാര്യത കാത്തുസൂക്ഷിക്കാനാണ് ശ്രമിച്ചിട്ടുള്ളത് എന്നാണ് വിനീത് ശ്രീനിവാസന്‍ പറയുന്നത്.
സുഹൃത്തുക്കളായവരായിരിക്കും മിക്കവാറും ഞാന്‍ അഭിനയിക്കുന്ന ചിത്രങ്ങളുടെ സംവിധായകര്‍. അങ്ങനെ ഞാന്‍ അഭിനയിക്കുന്ന ചിത്രമാണെങ്കില്‍ അവരോട് പറഞ്ഞിട്ട് ആ വലിയ ഓഫര്‍ സ്വീകരിക്കാമായിരുന്നു. പക്ഷേ ഇത് ഞാന്‍ സംവിധാനംചെയ്യുന്ന പടമായിപ്പോയി. എന്റെ അഭിനേതാക്കളുടെ ഡേറ്റ് എല്ലാം പ്രശ്‌നത്തിലാവുമെന്ന് പറഞ്ഞപ്പോള്‍ നമുക്ക് പിന്നീട് മറ്റൊരു ചിത്രം ചെയ്യാമെന്ന് വെങ്കട്ട് പ്രഭു സാറും പറഞ്ഞുവെന്ന് വിനീത് ശ്രീനിവാസന്‍ പറഞ്ഞു.
