വിജയ് എന്ന നടന്റെ ഓരോ സിനിമകളായി റീ- റിലീസിന് ഒരുങ്ങുകയാണ്. വര്‍ഷങ്ങള്‍ എത്ര കഴിഞ്ഞാലും പ്രേക്ഷകര്‍ക്ക് ഇപ്പോഴും ആ സിനിമകള്‍ പുതുമ നല്‍കുന്നുണ്ട്. 2007 പുറത്തിറങ്ങിയ പോക്കിരിയാണ് ഇനി തിയേറ്ററുകളിലേക്ക് എത്തുന്നത്. പ്രഭുദേവയുടെ സംവിധാനത്തില്‍ പുറത്തിറങ്ങിയ ചിത്രം 4കെ, ഡോള്‍ബി അറ്റ്‌മോസ് സാങ്കേതികവിദ്യകളില്‍ റീമാസ്റ്റര്‍ ചെയ്താണ് പ്രദര്‍ശനത്തിന് എത്തുന്നത്. നടന്റെ ജന്മദിനത്തോടനുബന്ധിച്ച് ആഗോള റിലീസിനാണ് നിര്‍മാതാക്കള്‍ പദ്ധതിയിരിക്കുന്നത്. വിജയ്‌യുടെ പിറന്നാള്‍ ദിനത്തിന് തലേന്ന് തന്നെ ജൂണ്‍ 21ന് സിനിമ പ്രദര്‍ശനത്തിന് എത്തും.
