മൈന എന്ന സിനിമയിലൂടെ തമിഴകത്തിലും ഇന്ത്യന്‍ പ്രേമകഥ,റണ്‍ ബേബി റണ്‍ മുതലായ സിനിമകളിലൂടെ മലയാളികളുടെയും പ്രിയ നായികയാണ് അമല പോള്‍. സിനിമയില്‍ സജീവമായ നടി ഇപ്പോള്‍ ആദ്യത്തെ കണ്‍മണിക്കായുള്ള കാത്തിരിപ്പിലാണ്. മാസങ്ങള്‍ക്ക് മുന്‍പാണ് ഗര്‍ഭിണിയാണെന്ന വിവരം നടി തന്റെ ആരാധകരോട് പങ്കുവെച്ചത്. ഗര്‍ഭിണിയായതിന് ശേഷം റാമ്പില്‍ ചുവടുവെച്ചും നൃത്തം ചെയ്തുമെല്ലാമാണ് ഗര്‍ഭകാലത്തെ താരം ആഘോഷിച്ചത്. ഇപ്പോഴിതാ അമല പോള്‍ സമൂഹമാധ്യമങ്ങളില്‍ പങ്കുവെച്ച മറ്റേണിറ്റി ഫോട്ടോഷൂട്ടാണ് ശ്രദ്ധ നേടുന്നത്.
