മലയാളത്തില്‍ നിന്നുള്ള ഏറ്റവും വയലന്റായ സിനിമ എന്ന ടാഗ് ലൈനില്‍ ഒരുങ്ങിയ മാര്‍ക്കോ മലയാളക്കരയും കടന്ന് ഇന്ത്യയാകെ തരംഗം തീര്‍ക്കുന്നു. പ്രഖ്യാപനം വന്ന നാള്‍ മുതല്‍ ആരാധകര്‍ ഏറെ ആകാംക്ഷയിലിരുന്ന സിനിമ പുറത്തിറങ്ങിയപ്പോള്‍ വലിയ ആഘോഷത്തോടെയാണ് യുവാക്കള്‍ സ്വീകരിച്ചത്. വയലന്‍സും ആക്ഷന്‍ രംഗങ്ങളാലും സമ്പന്നമായ സിനിമ മലയാള സിനിമയ്ക്ക് പുതുമയായിരുന്നിട്ട് കൂടി വലിയ നേട്ടമാണ് മലയാളം ബോക്‌സോഫീസില്‍ സിനിമയുണ്ടാക്കിയത്.
