'അങ്ങനെ സംഭവിച്ചതായി ഓര്‍ക്കുന്നില്ല,രതീഷുമായി ബന്ധപ്പെട്ട വിഷയം അറിഞ്ഞിരുന്നു, തനിക്ക് മോശം അനുഭവം ഉണ്ടായിട്ടില്ലെന്ന് സുരാജ് വെഞ്ഞാറമൂട്
രതീഷ് ബാലകൃഷ്ണ പൊതുവാള്‍ സംവിധാനം ചെയ്ത ആന്‍ഡ്രോയ്ഡ് കുഞ്ഞപ്പന്‍, മദനോല്‍സവം തുടങ്ങിയ ചിത്രങ്ങളില്‍ സുരാജ് വെഞ്ഞാറമൂട് ആയിരുന്നു നായകന്‍. സംവിധായകനുമായി നല്ല ബന്ധം കാത്തുസൂക്ഷിക്കുന്നയാളാണ് നടന്‍. രതീഷ് ബാലകൃഷ്ണനെതിരെ ഉയര്‍ന്നു കേള്‍ക്കുന്ന ആരോപണങ്ങളില്‍ സുരാജ് വെഞ്ഞാറമൂട് പ്രതികരിച്ചു.
'രതീഷില്‍ നിന്ന് എനിക്ക് അങ്ങനെയൊരു അനുഭവം ഉണ്ടായിട്ടില്ല. ഞാന്‍ അഭിനയിക്കുമ്പോഴൊക്കെ വളരെ കംഫര്‍ട്ട് ആയിരുന്നു. എന്റെ മുന്‍പില്‍ വച്ച് അങ്ങനെ സംഭവിച്ചതായി ഓര്‍ക്കുന്നില്ല,' സുരാജ് മനോരമയ്ക്ക് നല്‍കിയ അഭിമുഖത്തിനിടെ പറഞ്ഞു.
