ചിത്രത്തിന്റെ പ്രൊമോഷന്റെ ഭാഗമായി സേതുരാമയ്യരുടെ മുഖം ബുര്‍ജ് ഖലീഫയില്‍ തെളിയും. ഇന്ന് രാത്രി 8.30 നാണ് സിബിഐ 5 - ദ ബ്രെയ്നിന്റെ പ്രൊമോ ട്രെയ്ലര്‍ ബുര്‍ജ് ഖലീഫയില്‍ തെളിയുക. സിനിമയുടെ പ്രൊമോഷന് വേണ്ടി മമ്മൂട്ടി ദുബായിലെത്തിയിട്ടുണ്ട്. നേരത്തെ ദുല്‍ഖര്‍ സല്‍മാന്‍ ചിത്രം കുറുപ്പിന്റെ പ്രൊമോ ട്രെയ്ലറും ബുര്‍ജ് ഖലീഫയില്‍ പ്രദര്‍ശിപ്പിച്ചിരുന്നു. ദുല്‍ഖറിന് ശേഷം മമ്മൂട്ടിയുടെ ചിത്രം ബുര്‍ജ് ഖലീഫയില്‍ തെളിയുമ്പോള്‍ ആരാധകര്‍ ഇരട്ടി ആവേശത്തിലാണ്.
