പത്തൊമ്പതാം നൂറ്റാണ്ട് ഉള്‍പ്പെടെ നിരവധി ചിത്രങ്ങള്‍ക്ക് പിന്നില്‍ പ്രവര്‍ത്തിച്ച പരിചയമുണ്ട് സേതു ശിവാനന്ദന്. പത്തൊമ്പതാം നൂറ്റാണ്ടിലെ പ്രധാന കഥാപാത്രത്തെ അവതരിപ്പിക്കുന്ന സിജു വില്‍സന്റെ രൂപം സംവിധായകന്റെ മനസ്സില്‍ നേരത്തെ ഉണ്ടായിരുന്നു.വിനയന്റെ ഉള്ളിലെ കഥാപാത്രത്തെ കുറിച്ചുള്ള ആശയം സേതു ശിവാനന്ദന് വരച്ചെടുക്കുകയായിരുന്നു. അതുപോലെ സേതു ശിവാനന്ദന് എന്ന കണ്‍സെപ്റ്റ് ആര്‍ട്ടിസ്റ്റിന്റെ ഭാവനയില്‍ വിരിഞ്ഞ മോഹന്‍ലാലിന്റെ പുതിയ രൂപവും ചര്‍ച്ചയായി മാറിയിരുന്നു. ഇപ്പോഴിതാ ഫോറന്‍സിക് എന്ന സിനിമയില്‍ ഒരു ചെറിയ കഥാപാത്രത്തെ സേതു അവതരിപ്പിച്ചിരുന്നു. സിനിമയില്‍ പോലീസിന് വരച്ചു കൊടുത്ത രേഖാചിത്രത്തെ ഇന്നത്തെ സാഹചര്യത്തില്‍ ഓര്‍ത്തു പോകുകയാണ് അദ്ദേഹം.
