ഇടക്കാലത്ത് വലിയ പരാജയങ്ങളില്‍ പെട്ട മലയാളത്തിന്റെ സൂപ്പര്‍ താരം മോഹന്‍ലാലിന് തിരിച്ചുവരവ് സമ്മാനിച്ച ചിത്രമായിരുന്നു ജീത്തുജോസഫിന്റെ സംവിധാനത്തില്‍ ഒരുങ്ങിയ നേര്. ക്രിസ്മസ് റിലീസായെത്തിയ ചിത്രത്തിന് മികച്ച പ്രതികരണമാണ് ലഭിക്കുന്നത്. ഇപ്പോഴിതാ സിനിമ 100 കോടി കളക്ഷന്‍ കടന്നതായുള്ള റിപ്പോര്‍ട്ടുകളാണ് വരുന്നത്. മോഹന്‍ലാലിന്റെ വിവിധ ഫാന്‍ പേജുകളിലുമാണ് ഈ വാര്‍ത്ത ആദ്യം വന്നത്. നേരിന്റെ വേള്‍ഡ് വൈഡ് കളക്ഷന്‍ 100 കോടിയാണെന്നാണ് ഇതില്‍ കുറിച്ചിരിക്കുന്നത്.
എന്നാല്‍ ഇത് ചിത്രത്തിന്റെ ഗ്രോസ് കളക്ഷനല്ല ചിത്രം നടത്തിയ ബിസിനസാണെന്നാണ് പ്രമുഖ ട്രേഡ് അനലിസ്റ്റുകള്‍ വ്യക്തമാക്കുന്നത്. തിയേറ്ററില്‍ നിന്നും പുറത്തുനിന്നുമുള്ള എല്ലാ കണക്കുകളും ചേര്‍ത്തുള്ള കണക്കാണിത്. ചിത്രത്തിന്റെ ഓഡിയോ,വീഡിയോ,ഒടിടി ബിസിനസ് എല്ലാം ചേര്‍ത്താണിത്. അതേസമയം ചിത്രം 100 കോടി കടന്നതായി ഔദ്യോഗിക റിപ്പോര്‍ട്ടുകളൊന്നും വന്നിട്ടില്ല.