പേടിയോടെയാണ് ചെയ്തത്,മോശമാവരുതെന്നാണ് മനസില്‍,'ചന്ദ്രമുഖി 2' അഭിനയിച്ചപ്പോള്‍, വിശേഷങ്ങള്‍ പങ്കുവെച്ച് രാഘവാ ലോറന്‍സ്
ചന്ദ്രമുഖി 2 ഓഡിയോ ലോഞ്ച് വെള്ളിയാഴ്ച നടന്നു.രാഘവാ ലോറന്‍സിനെ വാസു സംവിധാനം ചെയ്യുന്ന ചിത്രം റിലീസിന് ഒരുങ്ങുകയാണ്. ആദ്യ ഭാഗത്തില്‍ രജനികാന്ത് അവതരിപ്പിച്ച വേട്ടയ്യന്‍ രാജ ആയാണ് രാഘവ ലോറന്‍സ് എത്തുന്നത്.ചന്ദ്രമുഖി 2 പോലൊരു ചിത്രത്തില്‍ അഭിനയിക്കാന്‍ സാധിച്ചതില്‍ രജനികാന്തിനോട് നന്ദി പറഞ്ഞിരിക്കുകയാണ് നടന്‍. ഒപ്പം ജയിലര്‍ സിനിമയെക്കുറിച്ചും ലോഞ്ചിനോടനുബന്ധിച്ച് നടത്തിയ റെഡ് കാര്‍പ്പറ്റ് ചടങ്ങില്‍ സംസാരിക്കവേ ലോറന്‍സ് പറഞ്ഞു.
ചന്ദ്രമുഖി 2 ആരംഭിച്ചതുമുതല്‍ കഴിയുന്നതുവരെ അദ്ദേഹത്തിന്റെ(രജനികാന്ത്) ആശീര്‍വാദം ഉണ്ടായിരുന്നു. ഫോണ്‍ വഴിയും അദ്ദേഹത്തിന്റെ വീട്ടില്‍ പോയി ഓഡിയോ റിലീസിന് വരുമ്പോള്‍ പോലും അദ്ദേഹത്തിന്റെ അനുഗ്രഹം വാങ്ങി.തലൈവരുടെ വേട്ടയ്യന്‍ വേഷമാണ് ഈ ചിത്രത്തില്‍ ഞാനവതരിപ്പിക്കുന്നതെങ്കിലും കുറച്ച് പേടിയോടെയാണ് ചെയ്തത്. അദ്ദേഹത്തിന്റെ പേര് മോശമാവരുതെന്നാണ് മനസില്‍. ഇനി നിങ്ങളാണ് ചിത്രം കണ്ട് പറയേണ്ടത്. അദ്ദേഹത്തിന്റെ ജയിലര്‍ ആദ്യദിവസംതന്നെ കണ്ടു. സിനിമ സൂപ്പര്‍ ആയിരുന്നു എന്നാണ് ലോറന്‍സ് പറഞ്ഞത്.
