Pranav Mohanlal : ഈ മോന്‍ വന്നത് ചുമ്മാതങ്ങ് പോവാനല്ല, മലയാളത്തിന്റെ തോമസ് ഷെല്‍ബി ഇവന്‍ തന്നെ, ഞെട്ടിക്കുന്ന ലുക്കില്‍ പ്രണവ് മോഹന്‍ലാല്‍
പീക്കി ബ്ലൈന്‍ഡേഴ്‌സ് എന്ന ഏറെ ശ്രദ്ധ നേടിയ സീരീസിലെ സിലിയന്‍ മര്‍ഫി ലുക്കിലാണ് പ്രണവ് ഫോട്ടോയിലുള്ളത്. സീരീസിലെ അതേ തൊപ്പിയും ചുണ്ടില്‍ സിഗരറ്റും കോട്ടുമെല്ലാമാണ് പ്രണവ് ധരിച്ചിട്ടുള്ളത്. ബൈ ഓര്‍ഡര്‍ ഓഫ് ദി പീക്കി ബ്ലൈന്‍ഡേഴ്‌സ് എന്നാണ് ചിത്രത്തിന് പ്രണവ് നല്‍കിയിരിക്കുന്ന ക്യാപ്ഷന്‍. ട്രെന്‍ഡിങ് ലുക്കില്‍ മാസായുള്ള പ്രണവിന്റെ ചിത്രങ്ങള്‍ ആരാധകര്‍ ഉടന്‍ തന്നെ ഏറ്റെടുത്തിരിക്കുകയാണ്. അപ്പോള്‍ വന്നത് ചുമ്മാ പോകാനല്ല, രാജാവിന്റെ മകന്‍ ഇങ്ങെത്തി,ചെക്കന്‍ ചുമ്മാ പൊളി എന്നിങ്ങനെയാണ് ചിത്രത്തിന് താഴെയുള്ള കമന്റുകള്‍. വിനയ് ഫോട്ട്,ബേസില്‍ ജോസഫ് തുടങ്ങിയവരും ചിത്രത്തില്‍ കമന്റ് ചെയ്തിട്ടുണ്ട്.
അതേസമയം വര്‍ഷങ്ങള്‍ക്ക് ശേഷം എന്ന വിനീത് ശ്രീനിവാസന്‍ സിനിമയാണ് പ്രണവിന്റേതായി തിയേറ്ററുകളില്‍ ഇറങ്ങാനിരിക്കുന്ന ചിത്രം. കല്യാണി പ്രിയദര്‍ശന്‍,നേസില്‍ ജോസഫ്,നിവിന്‍ പോളി,ധ്യാന്‍ ശ്രീനിവാസന്‍,നീരജ് മാധവ്,നീത പിള്ള,കല്യാണീ പ്രിയദര്‍ശന്‍,അജു വര്‍ഗീസ് തുടങ്ങി വമ്പന്‍ താരനിരയാണ് സിനിമയിലുള്ളത്.
