മലയാളത്തില്‍ ഫ്യൂഡല്‍ നായകന്മാരെ അവതരിപ്പിച്ച് കയ്യടി നേടുന്ന സംവിധായകനെന്ന് വിമര്‍ശനം നേരിട്ട സംവിധായകനാണ് ഷാജി കൈലാസ്. നരസിംഹം, വല്ല്യേട്ടന്‍ മുതലായ ഷാജി കൈലാസിന്റെ വലിയ ഹിറ്റ് ചിത്രങ്ങളെല്ലാം തന്നെ ഫ്യൂഡല്‍ നായകന്മാരെ പ്രോത്സായിപ്പിച്ച സിനിമകളായിരുന്നു. ഇപ്പോഴിതാ ആളുകള്‍ വിമര്‍ശിക്കുമെങ്കിലും ആളുകള്‍ കാണാന്‍ ഇഷ്ടപ്പെടുന്നതും ഇത്തരം നായകന്മാരെ തന്നെയാണെന്ന് പറയുകയാണ് ഷാജി കൈലാസ്. വല്ല്യേട്ടന്‍ സിനിമയുടെ റി റിലീസിനൊട് അനുബന്ധിച്ച് ക്യൂ സ്റ്റുഡിയോയ്ക്ക് നല്‍കിയ അഭിമുഖത്തിലാണ് സംവിധായകന്റെ പ്രതികരണം.
