ഉള്ളൊഴുക്ക് എല്ലാ ചിത്രത്തിലെ പ്രകടനത്തിലൂടെ ഉര്‍വശിക്ക് ആറാമത്തെ സംസ്ഥാന ചലച്ചിത്ര പുരസ്‌കാരം ലഭിച്ചു. കാലം എത്ര മുന്നോട്ടു സഞ്ചരിച്ചാലും മലയാളത്തിലെ യഥാര്‍ത്ഥ സൂപ്പര്‍താരം താന്‍ തന്നെയാണെന്ന് ഒരിക്കല്‍ക്കൂടി ഉര്‍വശി തെളിയിച്ചു.ഉള്ളൊഴുക്കില്‍ പാര്‍വതി തിരുവോത്തിന്റെ അമ്മായിയമ്മയായാണ് നടി വേഷമിട്ടത്.
പാര്‍വതി എതിര്‍വശത്ത് ഉണ്ടായിരുന്നതുകൊണ്ടാണ് അത്രയും മികച്ചതായി അഭിനയിക്കാന്‍ കഴിഞ്ഞതെന്ന് ഉര്‍വശി മികച്ച നടിയായി പ്രഖ്യാപനം വന്നപ്പോള്‍ പറഞ്ഞു.അഭിനയിക്കുമ്പോള്‍ ഒരിക്കലും അവാര്‍ഡ് നമ്മുടെ മുന്നില്‍ വരാറില്ല. ഡയറക്ടറാണ് ആദ്യത്തെ അവാര്‍ഡ് തരുന്നയാള്‍ അദ്ദേഹം ഓകെ പറയുന്നതാണ് അവാര്‍ഡെന്നും നടി കൂട്ടിച്ചേര്‍ത്തു.
പടം റിലീസ് ചെയ്തതിന് പിന്നാലെ ഓരോരുത്തരും പ്രശംസിക്കുന്നത് ഓരോ അവാര്‍ഡായിട്ടാണ് താന്‍ സ്വീകരിക്കുന്നതെന്നും ഉര്‍വശി പറയുന്നു. തീര്‍ച്ചയായും സര്‍ക്കാര്‍ തലത്തില്‍ ആ പ്രശംസ അംഗീകാരമായി വന്നതില്‍ വളരെയധികം സന്തോഷമുണ്ട്. ഒരു സ്‌കൂളില്‍ പ്രോഗസ് റിപ്പോര്‍ട്ട് കിട്ടുമ്പോള്‍ നോക്കുന്ന മാര്‍ക്കുപോലെയാണ്തനിക്ക് അവാര്‍ഡെന്നും ഉര്‍വശി പറയുന്നു.
