ന്യൂയോർക്ക് ഇന്ത്യൻ ഫിലിം ഫെസ്റ്റിവലിൽ മികച്ച ചിത്രത്തിനുള്ള പുരസ്‌കാരമടക്കം മൂന്ന് പുരസ്‌കാരങ്ങൾ സ്വന്തമാക്കി മൂത്തോൻ. മൂത്തോനിലെ മികച്ച പ്രകടനത്തിന്റെ ബലത്തിൽ മികച്ച നടനുള്ള പുരസ്‌കാരം നിവിൻ പോളി സ്വന്തമാക്കി. മികച്ച ചിത്രത്തിനുള്ള പുരസ്കാരവും മികച്ച ബാലത്താരത്തിനുള്ള പുരസ്കാരവും ഗീതു മോഹൻ ദാസ് സംവിധാനം ചെയ്ത മൂത്തോൻ സ്വന്തമാക്കി. ചിത്രത്തിൽ മുല്ല എന്ന കഥാപാത്രത്തെ അവതരിപ്പിച്ച സഞ്ജന ദീപുവാണ് മികച്ച ബാലതാരമായി തിരഞ്ഞെടുക്കപ്പെട്ടത്.
