നയന്‍താരയുടെ ജീവിതത്തെ ആസ്പദമാക്കിയൊരുക്കുന്ന ഡോക്യുമെന്ററി ഫിലിം നയന്‍താര ബിയോണ്ട് ദ ഫെയറി ടെയ്ലിന്റെ ട്രെയ്ലര്‍ അണിയറപ്രവര്‍ത്തകര്‍ നാളെ പുറത്തുവിടും. ഈ മാസം 18ന് നയന്‍താരയുടെ പിറന്നാള്‍ ദിനത്തിലാണ് ഡോക്യുമെന്ററി ഫിലിം സ്ട്രീമിംഗ് ആരംഭിക്കുക. സിനിമാ താരമെന്ന പരിവേഷത്തിനപ്പുറമുള്ള നയന്‍താരയുടെ ജീവിതവും കുടുംബവും കരിയറിലെ ഉയര്‍ച്ച താഴ്ചകളും വിവാഹവുമെല്ലാം ഉള്‍പ്പെടുത്തികൊണ്ടാണ് ഡോക്യുമെന്ററി ഒരുങ്ങുന്നത്.
