മോഹൻലാലിനെ നായകനാക്കി സിദ്ദിഖ് സംവിധാനം ചെയ്യുന്ന ബിഗ് ബ്രദർ എന്ന ചിത്രത്തിന്റെ റിലീസ് നീട്ടിവെച്ചതായി റിപ്പോർട്ട്. ഇട്ടിമാണിയുടെ വിജയത്തിന് ശേഷം മോഹൻലാൽ നായകനാകുന്ന ചിത്രം ക്രിസ്മസിൽ റിലീസ് ചെയ്യുമെന്നാണ് പ്രഖ്യാപിച്ചിരുന്നത്. ചിത്രത്തിന്റെ പോസ്റ്ററുകളിലും ഡിസംബർ റിലീസ് എന്നാണ് ഉണ്ടായിരുന്നത്. എന്നാൽ ചിത്രം ഡിസംബറിൽ പുറത്തിറങ്ങില്ലെന്നും റിലീസ് അടുത്ത വര്‍ഷം ജനുവരിയിലേക്ക് നീട്ടിയതായുമാണ് പുതിയ റിപ്പോർട്ടുകൾ.
വിയറ്റ്‌നാം കോളനി എന്ന ചിത്രത്തിൽ ആരംഭിച്ച ലാൽ-സിദ്ദിഖ് കൂട്ടുകെട്ടിൽ ഇതുവരെയും രണ്ട് ചിത്രങ്ങൾ മാത്രമാണ് പുറത്തിറങ്ങിയിട്ടുള്ളത്. വിയറ്റ്‌നാം കോളനി വൻ വിജയം നേടിയപ്പോൾ ഇരുവരും ഒന്നിച്ച രണ്ടാം ചിത്രമായ ലേഡീസ് ആൻഡ് ജെന്റിൽമാന് സമാനമായ നേട്ടം കൈവരിക്കുവാൻ സാധിചില്ല. ഈ കുറവ് കൂടി നികത്തുന്ന ചിത്രമായിരിക്കും ബിഗ് ബ്രദർ എന്നാണ് ആരാധക പ്രതീക്ഷ.
