പുലിമുരുകനിൽ മാത്രമല്ല അത് സംഭവിക്കുക!

ആരാധകർ ഏറെ പ്രതീക്ഷയോടെ കാത്തിരിക്കുന്ന മോഹൻലാൽ ചിത്രമാണ് പുലിമുരുകൻ. ചിത്രത്തിന്റെ ക്ലൈമാക്സിൽ ഒറിജിനൽ പുലിയുമായി ഏറ്റുമുട്ടുണ്ടെന്നതാണ് ആരാധകരെ ആവേശത്തിലായിരിക്കുന്നത്. എന്നാൽ പുലിമുരുകനിൽ സംഭവിക്കുന്നത് തമിഴകത്തും സംഭവിക്കും.

പുലിമുരുകനിൽ മോഹൻലാൽ എറ്റുമുട്ടുന്നത് പുലിയോടാണെങ്കിൽ തമിഴകത്ത് ആര്യ എറ്റുമുട്ടുന്നത് 50 ആനകളോടാണ്. ആര്യ നായകനായി എത്തുന്ന കടമ്പൻ എന്ന ചിത്രത്തിലാണ് 50 ആനകളുമായി സാഹസികത നിറഞ്ഞ ക്ലൈമാക്സ് തീരുമാനിച്ചിരിക്കുന്നത്. ക്ലൈമാക്സിന് വേണ്ടി മാത്രമായി 5 കോടി ചിലവഴിക്കുമെന്നാണ് വാർത്തകൾ.

അടുത്ത മാസം തായ്‌ലന്റില്‍ വച്ചാണ് ചിത്രീകരണം. ചിത്രീകണവുമായി ബന്ധപ്പെട്ട് ഈ ആഴ്ച തന്നെ തായിലന്റിലേക്ക് പോകും. രാഘവ സംവിധാനം ചെയ്യുന്ന ചിത്രത്തില്‍ കാതറിന്‍ ട്രീസയാണ് നായിക. തായ്‌ലന്റ് കൂടാതെ തമിഴ്‌നാട്ടിലും കേരളത്തിലും ചിത്രത്തിന്റെ ഷൂട്ടിങ് നടക്കുന്നുണ്ട്.