കെ.പി.എ.സി. ലളിതയുടെ നിര്യാണത്തില്‍ വിതുമ്പി മമ്മൂട്ടി. തൃപ്പൂണിത്തുറയിലെ സിദ്ധാര്‍ത്ഥ് ഭരതന്റെ വീട്ടിലെത്തി കെ.പി.എ.സി. ലളിതയ്ക്ക് മമ്മൂട്ടി അന്തിമോപചാരം അര്‍പ്പിച്ചു. ലളിതയുടെ മൃതദേഹത്തിനു നാല് ചുറ്റും നടന്ന് നിശബ്ദമായി നോക്കി നില്‍ക്കുന്ന മമ്മൂട്ടിയുടെ ചിത്രങ്ങള്‍ ഹൃദയഭേദകമായിരുന്നു. ലളിതയുടെ മകന്‍ സിദ്ധാര്‍ത്ഥ് ഭരതനെ മമ്മൂട്ടി ആശ്വസിപ്പിച്ചു. വീട്ടില്‍ നിന്ന് മടങ്ങുമ്പോള്‍ മാധ്യമങ്ങളോട് പ്രതികരിക്കാന്‍ മമ്മൂട്ടി വിസമ്മതിച്ചു.