മലയാളികള്‍ പ്രായഭേദമില്ലാതെ ആരാധിക്കുന്ന താരമാണ് മമ്മൂട്ടി. മിമിക്രി വേദികളിലും കോമഡി സ്‌കിറ്റുകള്‍ അവതരിപ്പിക്കുമ്പോഴും മമ്മൂട്ടിയെ അനുകരിക്കുന്നവര്‍ സ്ഥിരമായി ചെയ്യുന്ന ഒരു കാര്യമുണ്ട്. മമ്മൂട്ടിയുടെ നടത്തം അനുകരിക്കുന്നത് ശ്രദ്ധിച്ചാല്‍ അത് മനസിലാകും. മമ്മൂട്ടിയുടെ നടത്തത്തിന് ചെറിയൊരു മുടന്തുള്ള തരത്തിലാണ് അദ്ദേഹത്തെ പലരും അനുകരിക്കാറുള്ളത്. ഒടുവില്‍ അതിന്റെ പിന്നിലുള്ള രഹസ്യം തുറന്നുപറഞ്ഞിരിക്കുകയാണ് മമ്മൂട്ടി.
'ഇടതുകാലിന്റെ ലിഗമെന്റ് പൊട്ടിയിട്ട് 21 വര്‍ഷമായി. ഇതുവരെ ഞാനത് ഓപ്പറേറ്റ് ചെയ്ത് മാറ്റിയിട്ടില്ല. ഓപ്പറേഷന്‍ ചെയ്താല്‍ ഇനിയും എന്റെ കാല് ചെറുതാകും. പിന്നേം എന്നെ ആളുകള്‍ കളിയാക്കും. പത്തിരുപത് വര്‍ഷമായി ആ വേദന സഹിച്ചാണ് ഈ അഭ്യാസങ്ങള്‍ ഒക്കെ കാണിക്കുന്നത്. ഏതായാലും ഇനിയുള്ള കാലത്ത് ഇതൊക്കെ വളരെ എളുപ്പമാകട്ടെ,' മമ്മൂട്ടി പറഞ്ഞു.
