'ഇച്ചാക്ക കഠിനാധ്വാനത്തിലൂടെ നടനാകാന്‍ വേണ്ടി മാത്രം ജീവിച്ചയാളാണ്. ഓരോ നിമിഷവും കഠിനാധ്വാനം ചെയ്യുന്നു. ഞാന്‍ സൗഹൃദങ്ങളിലൂടെ നടനായി പോയ ഒരാളാണ്. ഞാനറിയാതെ ഇവിടെ എത്തിപ്പെട്ട ഒരാള്‍,' മോഹന്‍ലാല്‍ പറഞ്ഞു. മലയാള മനോരമയിലാണ് ലാല്‍ തന്റെ സ്വന്തം ഇച്ചാക്കയെ കുറിച്ച് വാചാലനായിരിക്കുന്നത്.
'എനിക്കിപ്പോഴും മമ്മൂട്ടിയെന്ന നടന്റെ ജീവിതവും അഭിനയവും അത്ഭുതമാണ്. സിനിമകള്‍ കണ്ടും പഠിച്ചും ജീവിക്കുന്ന ഒരാള്‍. ഇതുപോലെ സ്വന്തം ജീവിതം രൂപപ്പെടുത്തിയെടുത്തൊരു നടനെയും ഞാന്‍ കണ്ടിട്ടില്ല,' മോഹന്‍ലാല്‍ പറഞ്ഞു.
