വിജയ് സേതുപതിയുടെ 50-ാം ചിത്രമായ 'മഹാരാജ' ഏറ്റവും വലിയ ബ്ലോക്ക്ബസ്റ്റര്‍ ഹിറ്റുകളിലൊന്നായി മാറുകയാണ്. 'മഹാരാജ' തമിഴിലും തെലുങ്കിലും റിലീസ് ചെയ്തു.മികച്ച കാസ്റ്റിംഗും മികച്ച തിരക്കഥയും അവിസ്മരണീയമായ സംഗീതവും കൊണ്ട് 'മഹാരാജ' ഈ വര്‍ഷത്തെ ഏറ്റവും മികച്ച ചിത്രമാണെന്ന് പ്രേക്ഷകര്‍ അഭിപ്രായപ്പെടുന്നു. വിജയ് സേതുപതി തന്റെ കരിയറിലെ ഏറ്റവും മികച്ച പ്രകടനമാണ് കാഴ്ചവെച്ചത്. കൂടാതെ 'മഹാരാജ' പോലുള്ള സിനിമകള്‍ താരം തുടര്‍ന്നും ചെയ്യമെണമെന്ന് ആരാധകര്‍ ആഗ്രഹിക്കുന്നു.ഹൃദയസ്പര്‍ശിയായ ഒരു ക്ലൈമാക്സും ശക്തമായ സന്ദേശവും നല്‍കുന്നുണ്ട്.
അനുരാഗ് കശ്യപ്, മംമ്ത മോഹന്‍ദാസ്, നട്ടി, മുനിഷ്‌കാന്ത്, സിങ്കം പുലി, ഭാരതിരാജ, വിനോദ് സാഗര്‍, പി.എല്‍.തേനപ്പന്‍ തുടങ്ങിയ താരങ്ങള്‍ ചിത്രത്തിലുണ്ട്. അജനീഷ് ലോക്‌നാഥ് ആണ് സിനിമയ്ക്കായി സംഗീതം ഒരുക്കുന്നത്.കന്നഡ ഇന്‍ഡസ്ട്രിയിലെ മുന്‍നിര സംഗീത സംവിധായകരില്‍ ഒരാളാണ് അദ്ദേഹം. അജനീഷ് ഒരുക്കിയ കാന്താരയിലെ പാട്ടുകള്‍ വളരെയധികം ശ്രദ്ധിക്കപ്പെട്ടിരുന്നു.
